Ikki tí eg tími væl at koyra skjótt, men eg síggi at tað ber bara ikki til um vit skulu hava trygdina í hásæti.

Hugburðurin tykist verða at 80km um tíman er so gott sum at standa stillur. Um eg koyri millum 80 og 90 er generelt tað at eg verið yvirhálaður, og tað er alt slag av fólki.
Nullhugsjón verður onging við hetta lag. Børn sum sita í bili har mamman koyrir 90, 100 og kanska meir, venjast við hetta og læra at hetta er í lagi, og tey hoyra mammu og pápa grenja um hesi sum koyra so seint.

Tú kanst lesa nakað um børn í bilinum her http://www.ferdslutrygd.fo/?p=28

Góðkenningarnar, sum eru galdandi nú, eru ES-góðkenningarnar ECE R44-03 OG ECE44-04. “E”-ið kann eisini vera skrivað sum eitt lítið “e”. Tvey tey fyrstu tølini undir/aftaná E-merkið skullu vera 03 ella 04. Hetta eru minstukrøv, og øll útgerð, sum verður innflutt til Føroya, skal lúka hesar treytir.

Tað er rætt, at ymiskir stovnar og felagsskapir gera sínar egnu kanningar og viðmæla ávís sløg av útgerð fram um onnur. Og eru hesar kanningar góðar at hava við hondina, tá leitað verður eftir útgerð, hóast besta útgerðin kanska ikki altíð er at fáa í Føroyum.

Tað, ið eftir okkara tykki hevur einamestan týdning, tá útgerð til børn í bili verður keypt, er, at útgerðin hóskar til børnini og júst tann bilin, sum ein hevur, skilt á tann hátt, at vit sum foreldur kenna okkum trygg við, at útgerðin er rimmar føst, um vit skuldu komið í eitt ferðsluóhapp. Tað kann tí vera neyðugt at royna fleiri handlar, áðrenn ein finnur røttu útgerðina.

Sambært Tænk eru tað bert fáir barnastólar, ið lúka neyðugu krøvini til trygd. Er trygdin hjá okkara børnum og lógin møguliga hvør sítt, ella hvussu skal brúkarin fyrihalda seg?

Haldi, at danska Ráðið fyri Ferðslutrygd arbeiðir saman við New Line um onkur renniklæðir við endurskini – men tað er ein annar marknaður.

Vónandi eydnast hetta væl. Alt tað besta frá Ferðslutrygd.