Dagurin verður hildin við at blómur verða lagdar út á støðini, har fólk hava latið lív í ferðsluvanlukkum kring landið. Tað er stigtakarin til minningardagin, Ingi Gunnarsson, við hjálp frá limum í áhugafelagnum Føroya Ellisakførum og fólki kring landið, sum leggja blómurnar út.

Minningardagur teirra deyðu í ferðsluni hevur verið hildin á hvørjum ári síðan 2000 við undantak av í fjør.

Siðvenja hevur verið, at kirkjur og samkomur í tøgn minnast tey deyðu í ferðsluni hendan dagin. Eisini hevur verið tøgn í ein minutt áðrenn fótbóltsdystirnir í bestu fótbóltsdeildini byrja hendan dagin, men sunnudagin 4. juli er bert ein dystur í Vodafone deildini.

Síðan fyrstu ferðsluvanlukkuna á Varmakeldueiði í Eysturoy í 1928 eru eini 270 fólk deyð í ferðsluni á føroysku vegunum.

Fyrrapartin var faklig skrá undir heitinum “Ungdómur og Ferðslutrygd”.

Sølvi Reinert Hansen legði fyri við nøkrum hugleiðingum um ungdóm í arbeiðinum hjá Ráðnum fyri Ferðslutrygd.

Síðan legði Firouz Gaini fram eina frágreiðing við heitinum “Bilmentan – Ung, ferðsla og trygd”. Frágreiðingin varð skrivað í samstarvi millum Granskingarráðið og Ráðið fyri Ferðslutrygd. Kanningin er vísindalig og óheft og kann vónandi gerast eitt støði undir arbeiðinum hjá Ferðslutrygd at fyribyrgja ferðsluvanlukkum millum ung. Frágreiðingin er at finna her (4,31 mb pdf).

At enda greiddi Jón Kragesteen frá arbeiðinum hjá Ferðslutrygd við at skipa fyri undirvísing í ferðslutrygd fyri næmingum í 8. flokki. Greitt varð frá, hvussu undirvísingin er skipað, og hvussu royndirnar hava verið við henni.

Sjálvur ársfundurin var seinnapartin. Nevndarformaðurin, Kári Thorsteinsson, og stjórin, Sølvi Reinert Hansen, greiddu frá virkseminum hjá Ferðslutrygd seinasta árið og ætlanunum fyri komandi árið.

Eisini varð nomið við Ferðslutrygdarætlanina, og hvussu tað gongst við at fremja hana. Kári Thorsteinsson legði fram eitt yvirlit, ið vísti, at gongd var í stórum pørtum av tilmælunum. Yvirlitið varð stuðlað av framløgum frá onkrum av pørtunum, ið varða av ætlanini.

Síðan var nevndarval á skránni. Tríggir av nevndarlimunum, Finnleif Durhuus, Hervør Hergudóttir og Petur Elias Petersen, høvdu boðað frá, at tey ikki tóku við afturvali. Í teirra stað vórðu Súsanna Andreassen (Føroya Kommunufelag), Páll Poulsen (Føroya Lærarafelag) og Eiler Fagraklett (Tryggingarfelagið Føroyar) vald. Til varalimir vórðu Tórunn S. Miðberg (Akstovan), Mikkel Heide Frandsen (Landsverk) og Ingmar Hammer (Politiið) vald.

• Sit ikki ov nær róðrinum.
• Sit so upprættur sum gjørligt.
• Nakkastuðulin skal stillast, so yvirkanturin er ájavnur ovasta partinum av høvdinum. Høvdi skal vera so nær nakkastuðlinum, sum tilber. Einir tveir centimertrar eiga at vera millum nakkan og nakkastuðulin.
• Um tú sært í bakkispegilinum, at tú ert um at verða ákoyrdur aftanifrá, trýst so høvdi aftur móti nakkastuðlinum og hygg beint frameftir.
• Lat ikki leyst viðføri liggja og rekast inni í bilinum.

Á spurnarblaðnum skulu 55 spurningar svarast. Evnini í spurnarblaðnum eru fjølbroytt og fevna m.a. um ferð, rúsdrekka og koyring, trygdarbelti, fartelefon, møði, børn í ferðsluni, súkkluhjálmar, endurskin, frálæru og ferðavanar. Flestu spurningarnir eru skipaðið sum útsagnir, har tann, ið svarar, skal krossa av frá 1-5, hvussu samdur hann er við útsøgnini.

Allar upplýsingar, sum verða svaraðar í spurnarblaðnum, verða sammettar, uttan tilkýti til navn og bústað. Hetta ger, at tað er ikki gjørligt at síggja, hvat hvør einstakur hevur svarað.

Tá spurnarbløðini eru komin inn aftur, verða tey send til Svøríkis til skráseting og viðgerð. Umleið 1. mai er ætlanin at hava úrslitini tøk. Úrslitini fara at siga nakað um hugburðin til ferðslu í Norðurlondum.

Tað verður spennandi at síggja, hvussu føroysku ferðsluhugburðurin er í mun til hini norðurlondini. Fyri føroyska Ráðið fyri Ferðslutrygd er kanningin tó serliga spennandi, eftirsum hetta er fyrstu ferð, vit gera eina so umfatandi kanning av hugburðinum hjá føroya fólki til ferðslu. Tað er framsta uppgávan hjá Ráðnum fyri ferðslutrygd at ávirka hugburðin hjá fólki rætta vegin, og tí verða úrslitini av kanningini eitt virðismikið støði undir arbeiðinum hjá Ráðnum fyri Ferðslutrygd komandi árini.

Í arbeiðsbólkinum hava sitið Jákup Jacobsen, formaður (Akstovan), Gudrun Mortansdóttir Nolsøe, skrivari (Innlendismálaráðið), Mikkel Heide Frandsen (Landsverk), Helgi Magnusarson (Løgreglan), John Martin Olsen (Løgreglan), Sølvi Reinert Hansen (Ráðið fyri Ferðslutrygd) og Jari Lykke (Koyrilærarafelagið).

Arbeiðsbólkurin mælir til, at ein koyriteknisk breyt verður gjørd í Føroyum, ið bæði fevnir um girt venjingarøki (grulvigarð) og koyritekniska venjingarbreyt. Bólkurin mælir til, at hetta verður skipað sum ein ferðslutrygdardepil, har avgerandi dentur verður lagdur á hugburðsbroytandi og hugburðsskapandi ferðslufrálæru.

Bólkurin metir, at ein ferðslutrygdardepil við trygdarhøll mitt í landinum fer at kosta uml. 29 – 35 mió. kr. Uml. ein triðingur av kostnaðinum stavar frá keypi av lendi.

Bólkurin letur tað verða upp til politiska myndugleikan at gera av, hvar ein ferðslutrygdardepil skal liggja, men metir tó økið í Saksunardali at verða sera væl egnað, út frá eini heildarmeting.

Ein íløga upp á uml. 35 mió. kr. verður mett at verða samfelagsliga gagnlig, tá havt verður í hugað, at árligi meðalkostnaðurin av ferðsluvanlukkum í Føroyum í 2001 sambært álitinum um Nullhugsjónina var 193 mió. kr.

Frágreiðingin kann lesast her (1 mb pdf)

Samanlagt vórðu 2.349 bilar kannaðir í tíðarskeiðinum.

370 rapportir vórðu skrivaðar fyri m.a. hesi lógarbrot:

Samlaðu bøturnar vóru fyri kr. 231.400,-

Ráðið fyri Ferðslutrygd hevur gjørt ein nýggjan faldara við góðum ráðum um børn í bili.

Við Ferðslutrygdarætlanini og seinastu broytingunum í ferðslulógini er øktur dentur lagdur á trygdina hjá børnum, tá tey eru í bilinum.

Faldarin greiðir frá, hvussu børn í ymsum aldurbólkum eiga at vera fastspent, og hvar í bilinum tey eiga at sita. Eisini verður nomið við evni sum airbag, isofix og góðkenningar.

Stuðla framleiðsluni hevur Statoil Færøyene A/S.

Tak faldaran niður her (1 mb pdf).

Endamálið er, at børnini gerast meiri sjónlig og harvið tryggari í dagligdegnum í ferðsluni.

Ein faldari við góðum ráðum verður latin saman við vestunum. Millum góðu ráðini eru:

1. Er gongubreyt, lær børnini at ganga har og ikki á vegnum.
2. Er eingin gongubreyt, bið tey tá ganga ímóti ferðsluni so uttarlaga í vegjaðaranum, sum tilber.
3. Lær tey altíð at steðga á og hyggja báðar vegir, áðrenn tey fara út á vegin.
4. Er gonguteigur, lær tey so altíð at brúka hann, tá tey skulu tvørtur um vegin.
5. Skulu tey tvørtur um vegin, er best at fara har, sum vegurin er beinur, og sýnið er gott.
6. Bið tey ansa serliga væl eftir, tá tey fara út á vegin ímillum parkeraðar bilar ella aðrastaðni, har tey ikki síggjast væl.
7. Lær tey at ganga kvikliga tvørtur um vegin heldur enn at.

Vónin hjá fyriskiparunum er, at foreldur taka væl móti vestunum og eggja børnum sínum til at nýta endurskin, tá tey ferðast úti hesa myrku árstíðina.

Tak faldaran niður her (823 kb pdf)

Endurskinsvestur til vaksin
Ráðið fyri Ferðslutrygd hevur brúkt nógva orku og tilfeingi til at læra børn at ganga í endurskinsvesti í ferðsluni. Hetta hevur borið góðan ávøkstur. Harafturímóti eru tað enn nógv ung og vaksin at síggja í ferðsluni, ið antin renna ella ganga túr í myrkri uttan at nýta endurskinsvest ella líknandi endurskin, sum ger tey tryggari í ferðsluni. Ein orsøk til trupulleikan kann vera, at ung og vaksin hava lyndi til at halda, at slíkir vestar og endurskin annars eru ljót á at líta. Hetta kann tíverri hava við sær, at tey velja slík klæðir frá, áðrenn farið verður út í myrkrið, og av tí sama eru minni trygg á vegnum.

Guðrun & Guðrun sniðgeva
Ráðið fyri Ferðslutrygd metir tí, at hesin hugburður kann broytast við nýggja samstarvinum, ið Ferðslutrygd hevur fingið í lag við Guðrun & Guðrun og Tryggingarfelagið Føroyar. Fyritøkan Guðrun & Guðrun hevur seinastu árini prógva, at tey duga at framleiða klæðir, ið fólk ynskja at ganga í. Ráðið fyri Ferðslutrygd vónar, at hetta eisini verður galdandi við nýggja endurskinsvestunum, sum Guðrun & Guðrun hevur sniðgivið fyri Ferðslutrygd. Tryggingarfelagið Føroyar hevur í mong ár stuðlað arbeiðinum hjá Ráðnum fyri Ferðslutrygd, og hetta er eisini galdandi í hesi verkætlanini. Tryggingarfelagið Føroyar hevur fingið vestarnar framleiddar, og stendur samstundis fyri herferðini, “Ein vestur fyri lívið”, saman við Ráðnum fyri Ferðslutrygd. Herferðin skal fáa fleiri ung og vaksin at ganga í endurskinsvesti ella øðrum endurskini.

Ætlaður báðum kynum
Endurskinsvesturin hjá Guðrun & Guðrun fæst til keyps í øllum deildunum hjá Tryggingarfelagnum Føroyum. Eisini ber til at keypa vestin hjá Guðrun & Guðrun, Vero Moda, Brá, Trend Floor, Rokoko, Image, Sorella, Eldhús og Toystovuni í Vági. Kostnaðurin er 150 kr. Vesturin, sum er ætlaður báðum kynum, fæst í tveimum støddum. Lætti og slitsterki vesturin, ið fæst í svørtum ella gráum liti, kann eisini rullast saman og goymast inni í øðrum lummanum á vestinum. Soleiðis tekur hann minni pláss í m.a. tasku ella skuffu. Vesturin verður til keyps miðskeiðis í næstu viku.

Allar inntøkur fara óskerdar til børn í ferðsluni
Allar inntøkurnar frá Guðrun & Guðrun endurskinsvestunum fara óskerdar til at skapa tryggleika fyri børnum í ferðsluni. Hetta snýr seg serliga um undirvísingartilfar, sum Ráðið fyri Ferðslutrygd fer at framleiða. Tilfarið snýr seg um at vera tryggur í ferðsluni, og er ætlað føroyskum barnagørðum og skúlum.

Sølvi R. Hansen, stjóri í Ráðnum fyri Ferðslutrygd sigur, “at hann vónar, at Føroya fólk fara at taka væl ímóti nýggju endurskinsvestunum, og at vestarnir verður sjónligir í føroysku ferðsluni, nú myrki veturin nærkast.”

Kristina Háfoss, deildarstjóri í Tryggingarfelagnum Føroyum, sigur samstundis, “at hon fegnast um, at Tryggingarfelagið Føroyar saman við Ráðnum fyri Ferðslutrygd og Guðrun & Guðrun hava gjørt hendan slóðbrótandi og serstaka føroyska endurskinsvestin til veruleika – ein vestur, ið fer at skapa størri tryggleika í ferðsluni.”

Guðrun Ludvig, kreativur stjóri í Guðrun & Guðrun, leggur til síðst afturat: “Tað hevur verið spennandi hjá mær og Guðrun at arbeiða við einari slíkari øðrvísi verkætlan. Vit vóna at føroyski brúkarin verður eins væl nøgdur við vestin, sum vit eru – og at talan veruliga verður um ein vest fyri lívið.”

Reglurnar um rúsdrekkakoyring verða herdar 1. oktober. Markið fyri rúsdrekkakoyring verður lægri og revsingin verður harðari. Strangari krøv verða sett til trygdarútgerðina til børn í bilum og hægri bøtur verða fyri brot á lógina.

Samanlagt 41 broytingar í ferðslulógini koma í gildi 1. oktober. Tað snýr seg um alt frá allýsing av traktorum og strangari reglum um rúsdrekkakoyring til neyvari krøv um trygdarútgerð til børn og hægri bøtur fyri brot á ferðslulógina. Alt hetta fyri at økja um trygdina hjá teimum ferðandi á vegunum – bæði hjá børnum og vaksnum.
Høvuðsbroytingarnar
Talan er um 8 høvuðsbroytingar, sum taka støði í null-hugsjónini og ferðslutrygdarætlanini frá 2007:

• Nullmark fyri tilvitsávirkandi evnum ella rúsevnum

• Alkoholstyrkin í útandingarluft sum prógv í rúsdrekkamálum og víðkaðar heimildir hjá løgregluni

• Rúsdrekkamarkið lækkar til 0,20 promillu

• Markið millum promillu- og rúsdrekkakoyring er strikað – alt omanfyri 0,20 promillu er rúsdrekkakoyring

• Krav um skeið í rúsdrekka og ferðslu (R/F – skeið)

• Herdar reglur fyri frádøming og revsing í rúsdrekkamálum

• Herdar reglur um trygdarútgerð og forboð móti ferðafólki í last- ella vørurúmi

• Hækkan av sektum

Fá meiri at vita um lógarátakið móti rúsdrekkakoyring her (456kb pdf)

Fá meiri at vita um lógarátakið móti trygdarútgerð í bilum, fallhjálmar og hægri bøtur her (320kb pdf)

Innlendismálaráðið, Akstovan, Ráðið fyri Ferðslutrygd, Landsverk og Politiið.