Viðtøkur fyri Ráðið fyri Ferðslutrygd
Navn
§ 1. Ráðið eitur Ráðið fyri Ferðslutrygd, stytt til RFF
Endamál
§ 2. Endamál ráðsins er at gera ferðsluna tryggari við:
- at betra ferðsluvanarnar við upplýsing og fjølbroyttum fyritakssemi,
- at stuðla ferðsluundirvísingina við ráðgeving og stuðuli,
- at útvega tíðarhóskandi og viðkomandi undirvísingarmiðlar í ferðslulæru,
- at skipa fyri skeiðvirksemi og trygdarfremjandi verkætlanum
- at geva sakliga upplýsing um øll tey viðurskifti, sum eru til ampa fyri ferðslutrygdina
- at samstarva í góðum stevi og hóskandi vavi við myndugleikar, stovnar og einstaklingar í ferðslutrygdarspurningum
- at fáa støðugar og viðkomandi upplýsingar um ferðsluóhapp/-vanlukkur, skaðaorsakir o.a. at nýta í ferðslutrygdararbeiðinum og
- at fáa regluligt fjølmiðlainnivist við ferðslutrygdarboðskapi ráðsins.
Støðið verður tikið í Nullhugsjónini og Ferðslutrygdarætlanini.
Limir
§ 3. Ferðslutrygd hevur hesar føstu limir:
Akstovan, Føroya Kommunufelag, Kommunusamskipan Føroya, Føroya Koyrilærarafelag, Føroya Landfúta, Føroya Læknafelag, Føroya Lærarafelag, Kvinnufelagssamskipan Føroya, Landsverk, Kringvarp Føroya, Trygd, Tryggingarfelagið Føroyar, Mentamálaráðið og Innlendismálaráðið.
2.petti – Umframt teir í fyrsta petti nevndu limir kunnu eisini kommunur, aðrir almennir stovnar og og ikki vinnurekandi áhugafeløg, sum vilja vera við í ferðslutrygdararbeiðinum gerast limir.
3.petti – Einstaklingar, vinnurrekandi feløg og fyritøkur , sum vilja vera við í ferðslutrygdararbeiðinum kunnu eisini verða limir. Limirnir í 3. petti verðar nevndir ”Ferðslutrygdarvinir”
4.petti – Ráðsfundurin tekur avgerð um limaskap, eisini um talan er um limaskap sambært 2. ella 3. petti í hesari grein.
5.petti – Teir í 1. og 2. petti nevndu limir hava rætt at møta á ráðsfundi og har taka orðið og greiða atkvøðu. Teir í 3. petti nevndu limir hava rætt at møta á ráðsfundi og har taka orðið, men hava ikki atkvøðurætt.
6.petti – Limirnir í 1.petti rinda eitt árligt limagjald, sum teir sjálvir áseta, tó ikki minni enn 300, – kr. Fyri limirnar í 2. petti skal limagjaldið ikki vera minni enn 300 kr. Fyri kommunur er limagjaldið 2 kr. fyri hvønn íbúgva, roknað eftir fólkatalinum við seinastu fólkateljing, tó ikki minni enn 1.000 kr. árliga. Fyri limirnar í 3. petti , nevndir ”Ferðslutrygdarvinir” er limagjaldið soleiðis: einstaklingar: í minsta lagi 150,- kr. og vinnurrekandi feløg og fyritøkur: í minsta lagi 2000,- kr.
7.petti – Ársfundurin kann eftir uppskoti frá starvsnevndini útnevna heiðurslim. Heiðurslimir hava talurætt, men ikki atkvøðurætt og rinda ikki limagjald.
Ráðsfundur
§ 4. Ráðsfundurin er hægsti myndugleiki uttan í teimum førum, tá ið góðkenning landsstýrismansins er kravd.
2. petti. Til ráðsfundin sendir hvør limur eitt umboð, sum hevur heimild at taka støðu vegna limin.
§ 5. Formaðurin kallar ráðið saman til fundar, tá ið tað verður hildið neyðugt. Hann ásetir fundartíð og fundarstað. Fráboðan um fund skal verða givin við 30 daga freist.
2. petti. Seta í minsta lagi 3 limir fram ynski um ráðsfund, hevur formaðurin skyldu at kalla ráðið til fundar skjótast til ber og í seinasta lagi 8 dagar eftir, at hetta ynskið er sett fram.
§ 6. Ráðið hevur ársfund í mars/apríl mánaði við hesi dagsskrá:
1. Val av fundarstjóra.
2. Ársfrágreiðing formansins.
3. Framløga og góðkenning av grannskoðaðum roknskapi.
4. Møguligt val av formanni og varaformanni.
5. Møguligt val av limum og varalimum í starvsnevndina.
6. Val av grannskoðara.
7. Innkomin mál.
8. Ymiskt.
2. petti. Uppskot til viðgerðar á ársfundinum skulu eins og uppskot til formann, varaformann og starvsnevndarlimir verða formanninum skrivliga í hendi í seinasta lagi 14 dagar fyri ársfundin og verða send limunum 7 dagar fyri fundin.
§ 7. Ráðsfundur er viðtøkuførur, tá ið minst helvtin av føstu limunum eru umboðaðir.
2. petti. Avgerðir á ráðsfundi verða tiknar við vanligum atkvøðumeiriluta.
3. petti. Allir limir í Ráðnum fyri Ferðslutrygd hava gjøgnum umboð síni rætt at seta fram spurningar og uppskot um virki ráðsins.
4. petti. Avgerðir á ráðsfundi verða førdar í gerðabók, sum fundarstjórin skrivar undir. Ljóstak av fundarfrásøgnini verður send limunum.
Starvsnevndin
§ 8. Í starvsnevndini sita formaður og varaformaður, fyri 3 ár í senn. Uppskot um formansevni og næstformansevni kunnu fevna um persónar, ið ikki eru limaumboð, smb. § 4, 2. petti. Umframt hesar velur ársfundurin sínámillum fyri 2 ár í senn 3 nevndarlimir og 3 varalimir fyri teir.
2. petti. Starvsnevndin ger eina virksemisætlan við atliti at endamáli ráðsins.
3. petti. Starvsnevndin kann seta arbeiðsbólkar til serstakar uppgávur.
§ 9. Starvsnevndin hevur fund, tá ið formaðurin heldur tað vera neyðugt. Tó skulu í minsta lagi vera fýra fundir um árið. Formaðurin skal kalla starvsnevndina til fundar, um 2 starvsnevndarlimir ynskja tað.
2. petti. Avgerðir á starvsnevndarfundi verða tiknar við vanligum atkvøðumeiriluta. Standa atkvøðurnar á jøvnum, er atkvøða formansins avgerandi.
3. petti. Tað, sum verður samtykt á starvsnevndarfundi, verður ført í gerðabók, sum verður løgd fram til góðkenningar á næsta fundi.
4. petti. Starvsnevndin ger uppskot um reglugerð fyri virksemi sítt, sum ráðsfundurin skal góðkenna.
Formaðurin
§ 10. Formaðurin er samráðingarleiðari ráðsins og ansar eftir, at tann reglugerð, sum er galdandi fyri stjóran, verður hildin.
2. petti. Varaformaðurin tekur við sum formaður, tá ið formanninum berst frá.
3. petti. Ráðið verður bundið av undirskrift formansins saman við 2 starvsnevndarlimum. Tó kann starvsnevndin geva stjóranum fulltrú at skriva undir ráðsins vegna.
Daglig leiðsla
§ 11. Starvsnevndin setur stjóran, sum eftir fyriskipan starvsnevndarinnar røkir tað dagliga virksemið. Stjórin er skrivari hjá ráðnum og starvsnevndini.
2. petti. Starvsnevndin ger reglugerð fyri starvið hjá stjóranum.
3. petti. Starvsnevndin setir fólk í starv eftir tilmæli frá stjóranum.
Fíggjarviðurskifti
§ 12. Fyri hvørt fíggjarár ger starvsnevndin eftir tilmæli frá stjóranum eina greinda fíggjarætlan, ið er grundað á mettar inntøkur og stuðul.
2. petti. Fígging ráðsins er grundað á:
1) Árligan stuðul frá landinum.
2) Árligan stuðul frá tryggingarfeløgum
3) Limagjald.
4) Annað.
§ 13. Roknskapar- og fíggjarárið eru álmanakkaárið.
2. petti. Roknskapurin verður grannskoðaður av løggildum grannskoðara.
3. petti. Grannskoðaði roknskapurin verður sendur limunum 7 dagar fyri ársfundin og lagdur fram á fundinum til góðkenningar.
Viðtøkubroytingar og avtøka ráðsins
§ 14. Til broyting av hesum viðtøkum krevst góðkenning landsstýrismansins.
2. petti. Samtykkir ráðsfundur at taka ráðið av, hevur landsstýrismaðurin endaliga avgerð hesum viðvíkjandi og ger eisini av, hvat verða skal av ognum ráðsins.
Gildisásetingar
§ 15. Hesar viðtøkur koma í gildi, tá ið landsstýrismaðurin hevur góðkent tær.
Seinast broyttar á ársfundinum 2. apríl 2009 og góðkendar av Innlendismálaráðharranum 21. juni 2009.
Hey !
Eg kann ikki latað verað við at gerað viðmerking !
Var heima í summar og upplivdið at dagpleygu – mammur koyra við 2 ára gomlun børnun ( uttan barnastól ) onkur í sela um miðjuna og onnur leys í bilinun !!! Tá eg talaið at, var mær svara at tað er vanligt ( øll gera tað )
Kann tað verðuliga verað so ???
Eg orkið ikki at tonkja uppá fylgjurnar av hesun – vanligt trygdarbeltið er skjøtt at kvalast í – og leys børn havað ongan tjans !
Børnini vera har afturat vand upp við at trygdin ikki hevur týdning.
Hetta varð eitt hjartasuff !!!!!!!
Hey Jóna
Takk fyri viðmerkingina.
Vónandi fara nýggja klippikortsskipanin og upplýsing annars at hava ávirkan á okkum, so vit verja okkara smáu. Men tað mugu støðugt gerast átøk fyri at broyta hugburðin hjá okkum til hetta vandamál.
Flestu okkara seta okkum sjálvi í bilbelti, uttan at hugsa um tað – so tað er rættiliga langt úti, at vit ikki eisini hugsa um børnini.
Vinarliga
Sølvi
Eg haldi, tað er sera gott við frástøðupílunum, men eg skilji ikki hví teir skulu verða bláir?
Eg meini at pílarnir høvdu verði nógv sjónligari um teir vóru hvítir ella gulir.
Hey Kári
Eg skal kanna, hví teir júst eru bláir.
Vinarliga
Sølvi
Hey fáa so børn sum ikki ganga í barnagarð
ikki vestar?
Jú, øll sum onkursvegna eru knýtt at kommunalum ansingarskipanum, skuldu fingið. Annars ber til at venda sær beinleiðis til Ferðslutrygd, um man hevur børn í hasum aldursbólkinum, sum ikki hava fingið.
Eitt genialt projekt!! Sjálvandi kunnu ‘trygg klæði’ eisini gerast smart, og haldi at hatta er eitt framúr gott hugskot, sum tey eisini burdu tikið til sín her í Dk – ella kanska kundi hasin vesturin eisin verið til sølu í dk?
Hey Siri
Takk fyri. Ja, vit eru sera spent uppá hetta. Best var sjálvandi, um øll gingu í ljósum klæðum við endurskynum altíð – men tað er nokk ikki realistiskt. Tí hugsaðu vit um okkurt plagg, sum riggaði væl, samstundis sum tað hevði endurskin.
Haldi, at danska Ráðið fyri Ferðslutrygd arbeiðir saman við New Line um onkur renniklæðir við endurskini – men tað er ein annar marknaður.
Vónandi eydnast hetta væl. Alt tað besta frá Ferðslutrygd.
finnast tað nakrar myndir sum vísa sjálvan vestin betri? Kundi hugsa mær ein, men tað er ringt at taka eina avgerð um hann er nakað fyri meg ella um hann skal vera svartur ella gráur, út frá reklamumyndunum. Myndirnar tit hava her eru sera flottar, men kundi hugsa mær at sæð eina meira detaljeraða mynd, um tað er gjørligt:)
Viðvíkjandi lógarbroytingini frá í dag skriva tit bert um rúsdrekkakoyring. Eg leiti eftir nágreiniligari upplýsing um trygdarútgerð til børn, serliga hvør útgerð er góðkend, ella hvørja tit mæla til at keypa ella vraka og hví.
Sambært Tænk eru tað bert fáir barnastólar, ið lúka neyðugu krøvini til trygd. Er trygdin hjá okkara børnum og lógin møguliga hvør sítt, ella hvussu skal brúkarin fyrihalda seg?
Hey Maria
Tú kanst lesa nakað um børn í bilinum her http://www.ferdslutrygd.fo/?p=28
Góðkenningarnar, sum eru galdandi nú, eru ES-góðkenningarnar ECE R44-03 OG ECE44-04. “E”-ið kann eisini vera skrivað sum eitt lítið “e”. Tvey tey fyrstu tølini undir/aftaná E-merkið skullu vera 03 ella 04. Hetta eru minstukrøv, og øll útgerð, sum verður innflutt til Føroya, skal lúka hesar treytir.
Tað er rætt, at ymiskir stovnar og felagsskapir gera sínar egnu kanningar og viðmæla ávís sløg av útgerð fram um onnur. Og eru hesar kanningar góðar at hava við hondina, tá leitað verður eftir útgerð, hóast besta útgerðin kanska ikki altíð er at fáa í Føroyum.
Tað, ið eftir okkara tykki hevur einamestan týdning, tá útgerð til børn í bili verður keypt, er, at útgerðin hóskar til børnini og júst tann bilin, sum ein hevur, skilt á tann hátt, at vit sum foreldur kenna okkum trygg við, at útgerðin er rimmar føst, um vit skuldu komið í eitt ferðsluóhapp. Tað kann tí vera neyðugt at royna fleiri handlar, áðrenn ein finnur røttu útgerðina.
Fínar greyðir sum vit havnamenn siga. Men vælsignaðu fólk, hvat við ferðini sum jú er tann drepandi og mest álvarsligi trupuleikin í allari ferðslu, ja í øllum sum vit fyritaka okkum. Eg hoyri ongan taka ferðina uppá tungu. Í DK koyrir Ferðsluráðið við kampagnu har tey biðja fólk lækka við 10kmt.
Ikki tí eg tími væl at koyra skjótt, men eg síggi at tað ber bara ikki til um vit skulu hava trygdina í hásæti.
Hugburðurin tykist verða at 80km um tíman er so gott sum at standa stillur. Um eg koyri millum 80 og 90 er generelt tað at eg verið yvirhálaður, og tað er alt slag av fólki.
Nullhugsjón verður onging við hetta lag. Børn sum sita í bili har mamman koyrir 90, 100 og kanska meir, venjast við hetta og læra at hetta er í lagi, og tey hoyra mammu og pápa grenja um hesi sum koyra so seint.
bilstólarnar hava eitt “E” merkið á. Skal tað verða hægri enn “E3″ fyri at bilstólurin skal verða góðkendur ? og hvussu við bilstólinum frá COOP, eru teir ikki góðkendir at koyra við, sum nógv siga ??
Tvey tey fyrstu tølini undir/aftaná E-merkið skullu vera 03 ella 04. Loyvdu góðkenningarnar eita annars ECE R44-03 ella ECE44-04. Hetta eru ES-góðkenningar og skulu allir bilstólar, sum verða innfluttir til ella framleiddir í ES-londum lúka hesar treytirnar. So COOP og allir aðrir handlar hava bert loyvi at selja góðkendar stólar. Einastu ivamálini kunnu vera, um man keypir ein brúktan stól, sum er fleiri ára gamal. Tá er neyðugt at hyggja at góðkenningini.
Tað eru so nógv sløg av bilstólum á marknaðinum – í øllum prísklassum. Tað ber til at kanna á netinum fyrimunir og vansar við ymsu stólunum (t.d. her http://www.fdm.dk/nyheder/sikkerhed/er-dit-barn-sikret-test-af-autostole-2009). Størstan týdning hevur tað tó, at man finnur ein stól, ið eru lættur at festa ordiliga í bilinum.